Am schmöcke a isch’s wider Zyt
Dass Märtluft i de Nöchi liit!
S’Oberdorf isch graglet voll,
und alli Bsuecher findes toll!

De Petrus macht sogar no mit
Luegt, dass nid zvill Räge git.
Verchaufsständ hett’s gar grüsli vill
Mer cha shoppe, was mer will!

S’hett brönnti Mandle, Magebrot,
Schläckstängel, alli füürzündrot!
D’Landfraue tüend no Brot verchaufe.
Mer mues für das nid wyt go laufe.
Chnoblibrot und Zuckerwatte
stellt jedes Menue grad i Schatte!

Di feini Brotwurscht wartet scho,
nur mues mer länger Schlange stoh!
Doch fein isch si halt jedes Johr,
zwar, für d’Linie e Gfohr…

Hüt darf mer scho en Usnahm mache,
es hett gar vili gueti Sache!
S’hett Glismets, Ghööglets, Bluemetöpf,
d’Büürinne verchaufe au no Zöpf!

De Schirmverchäufer, dä isch truurig,
das schöne Wätter findt er schuurig!
Doch…