Samichlaus du guete Maa,
S’wird langsam Ziit,
hüt muess i d’Ruete haa.
Jetzt simmer ja paar Jöörli elter,
wie du dir chasch dänke.
Du bisch scho uuralt gsi,
wo du öis Chind bisch go beschänke.

Am Samichlaustag häd dis Glöggli glüüted.
Mir händ scho gwüsst, was das bedüüted.
Bisch d’Stäge ufe-poldered mit luutem Hoo-hoo-hoo,
Jetzt isch’s passiert, de Samichlaus isch choo.

Zerscht häsch du dini Fitze gschwunge
Und mir händ brav es Liedli für dich gsunge.
Dänn häsch du s’Sündebuech i d’Finger gnah
und häsch öis nöd im Zwiifel glah,
was da drin staht, was mir am Änd
s’ganz Jahr duur boossged und verbroche händ.

Und us däm Buech häsch du öis dänn d’Levite gläse:
Ich söll de Mueter hälfe, statt de ganz Tag läse.

Am schlächte Zügnis chönn de Vater sich nöd fröie;
So wärd us mir nüüt Gschiids, ich…